Dagiti Pagannurotan:

1. Mangrugi ti salip iti Abril 1, 2002 ket agpatingga iti Enero 31, 2003.

2. Maluktan ti salip kadagiti amin a mannurat iti Iluko iti Filipinas ken iti ballasiw-taaw malaksid kadagiti kameng ti Pamilia Baclig ken asideg a kakabagianda, ti presidente ti GUMIL Filipinas ken GUMIL Metro Manila, ken uray pay dagiti kameng ti BANNAWAG nga agpaay a kameng ti Secretariat ti pasalip.

3. Agatiddog ti sarita iti 10-25 a panid, maimakinilia wenno computer-typed iti doble espasio iti 8-l/2" x 11" a bond paper iti ania man kadagitoy a font: 12 points Times New Roman wenno l2 points Book Antiqua.

4. Maysa laeng a sarita ti mabalin nga isalip ti kada mannurat. Ipatulod ti sarita iti uppat a kopia. Parbo a nagan ti usaren ti autor. Pakuyogan ti pakisalip iti narikpan a sobre a naglaon iti paulo ti sarita, pudno ken parbo a nagan ti autor, kompleto nga adres iti pagtaengan wenno iti pagtrabahuan, maysa a nalawag a ladawan, ken ababa a pakasaritaan iti biag.

5. Nasken nga orihinal, di naipatarus manipud iti ania man a lengguahe, ken di pay nangabak iti ania man a pasalip, ti isalip a sarita.

6. Adda karbengan dagiti esponsor ti pasalip a mangilibro kadagiti mangabak a sarita ken mangpaiblaak kadagitoy iti pilina a magasin.

7. Dagiti premio: Umuna a Gunggona: P7,500; Maika-2, P6,000; Maika-3, P5,000; Maika-4 a Gunggona: P3,000; ken Maika-5 a Gunggona: P2,000. Maipaayanto pay iti plake dagiti mangabak.

8. Mapadayawan dagiti mangabak bayat ti kombension ti GUMIL Filipinas iti 2003.

9. Ipatulod ti pakisalip iti: Salip iti Santa 2002-2003, Judge Vivencio S. Baclig Literary Awards, GF-GMM c/o BANNAWAG, Liwayway Publishing, Inc., 2249 Chino Roces Avenue, 1231 Makati City. Nasken a maawat ti Secretariat amin nga entry sakbay wenno iti kaaldawan ti Enero 31, 2003. Madiskalipika ti entry a maawat kalpasan dayta a petsa.