Sumarungkar ni Jaimelee iti Filipinas kas paset ti premiona iti pannakapilina a Miss Hawaii Island Filipina iti panangkadkadua kenkuana dagiti dadakkelna, da Mr. ken Mrs. Jaime Aguinaldo, ken ni Ms. Melba Acedo, kameng ti Board of Governors ti United Filipino Council of Hawaii.

Ti met Freedland”s Travel a kukua ken imatonan ni Ms. Amelia Ramos Freedland ti mangipaay iti round-trip ticket iti eroplano a Hawaii-Manila-Hawaii ken tallo-a-rabii nga akomodasion iti Century Park Hotel iti Manila para iti agdama a Miss Hawaii Island Filipina.

Masangaili pay ni Jaimelee iti panagpiesta ti Cabugao, Ilocos Sur ken makoronaan kas Homecoming Queen iti Pasuquin ken Bangui, Ilocos Norte a puon dagiti dadakkelna.

Maipasiar pay iti Baguio City ken dadduma pay a tourist spots iti Filipinas malaksid nga ag-courtesy call iti opisina ni Manila City Mayor Lito Atienza.